સુરતના કતારગામમાં મોબાઈલ ઝૂંટવીને ભાગતો યુવક ઝડપાયો, લોકોએ કાયદો હાથમાં લઈ કરી ધોલાઈ..

929
Published on: 2:07 pm, Sat, 29 May 21

ઝડપાયેલા યુવકને પોલીસને સોંપી દેવામાં આવ્યો

સુરતમાં સતત ગુનાખોરી વધી રહી છે અને તેમાં પણ મોબાઇલ સ્નેચિંગની સતત ઘટના વધી રહી છે ત્યારે આવા લોકોને પકડવામાં પોલીસ ખાસ રસ લેતી નથી. જેના કારણે લોકો અકળાઈ જાય તેવી સ્થિતિ સર્જાતી હોય છે. મોબાઇલ સ્નેચિંગ અને ખોવાઈ જવાની ફરિયાદો નોંધાવામાં પણ પ્રજાને પરસેવો પડી જાય છે કારણ કે આ પ્રકારના ગુનામાં ગંભીરતા દાખવવામાં આવતી નથી ત્યારે આવો જ એક મોબાઇલ સ્નેચર પ્રજાના હાથે ચઢી જતા ધમાચકડી મચી હતી. લોકોએ રંગેહાથ ઝડપાયેલી સમડીને ઢોર માર માર્યો હતો અને કાયદો હાથમાં લઈ લીધો હતો. જોકે, ટીઆરબીના હાજર જવાનોએ આ તસ્કરને પ્રજાના મારથી બચાવવાનો પ્રયાસ કર્યો હતો. સમગ્ર ઘટનાનો વીડિયો વાયરલ થયો છે.

લોકોના મારથી યુવક ત્યાં જ બેસી ગયો હતો.

સુરત શહેરમાં સતત મોબાઈલ અને ચેઈન સ્નેચિંગના બનાવો વધી રહ્યા છે. કતારગામ દરવાજા વિસ્તારની અંદર એક યુવક રાહદારીના હાથમાંથી મોબાઈલ ઝૂંટવી નાસી જવાની ફિરાકમાં હતો. પરંતુ લોકોએ તેનો ઈરાદો સફળ થવા દીધો નહીં. લોકોએ તેને ઝડપી લીધો હતો અને બરાબરનો મેથીપાક ચખાડ્યો હતો. મહિલાઓએ પણ તેને માર માર્યો હતો. આસપાસના લોકો પણ મોટી સંખ્યામાં એકત્રિત થઈ ગયા હતા. ત્યારબાદ પોલીસને સોંપી દેવામાં આવ્યો હતો.

બનાવની વિગતો એવી છે કે આજે સુરતમાં એક રાહદારીના હાથમાંથી મોબાઇલ ઝૂંટવીને ભાગવા જઈ રહેલા સ્નેચરને આસપાસના તમામ લોકોએ બૂમાબૂમ કરી મૂકતા ત્યાં ઉભેલા યુવકોએ તેને પકડી લીધો હતો. રાહદારીએ લોકોને કહ્યું કે, આ મારા હાથમાંથી મોબાઇલ ઝૂંટવીને નાસી જતો હતો.

ટ્રાફિક પોલીસના જવાનો ઘટના સ્થળ પર દોડી આવ્યા

ટ્રાફિકના જવાનોએ યુવકને પકડી રાખી પોલીસને સોંપ્યો હતો.

યુવક રાહદારીના હાથમાંથી મોબાઇલ ઝૂંટવીને ભાગતા જ આસપાસના તમામ લોકોએ બુમાબુમ કરી મુકી હતી. જેથી ત્યાં ઉભેલા યુવકોએ તેને પકડી લીધો હતો. રાહદારીએ લોકોને કહ્યું કે, આ મારા હાથમાંથી મોબાઇલ ઝૂંટવીને નાસી જતો હતો. રાહદારીએ પોતાનો મોબાઈલ લીધા બાદ એકત્ર થયેલા ટોળાંએ તેને ઢોર માર માર્યો હતો અને પોલીસને તેની માહિતી આપી હતી. દરમિયાન જાહેર રસ્તા ઉપર જ આ ઘટના બનતા ટ્રાફિક પોલીસના જવાનો ઘટના સ્થળ પર દોડી આવીને યુવકને પીસીઆર વાન આવે ત્યાં સુધી પકડી રાખ્યો હતો.

જોકે પોલીસ આવા ઈસમોને પકડવાના નિસ્ફળ રહી છે ત્યારે આવા ઈસમોને લોકો પકડીને બરાબરનો મેથી પાક આપીને પાઠ ભણવાનું શરૂ કર્યુ છે. જોકે આવા ઈસમો શહેરના રસ્તામાં જતી મહિલાના ગળામાંથી બાઇક પર આવીને ચેન તોડી ભાગી છૂટતા હોય છે, ત્યારે સુરતના કતારગામ વિસ્તરમાં આવી સતત ઘટના બનતી રહે છે.

સુરત ગુજરાત

ફેસબુક પેજ લાઈક અને ફોલોવ કરો

અમારી ન્યૂઝ સાથે બન્યા રહોવોટ્સએપ ગ્રુપ માં જોડાવા નીચે આપેલી લિંક પર ક્લિક કરો અને અમારું ફેસબુક પેજ લાઈક અને ફોલોવ કરો

વોટ્સએપ  1   :  Whatsapp

વોટ્સએપ   2 :  Whatsapp

વોટ્સએપ   3 :   Whatsapp

વોટ્સએપ  4 :  Whatsapp

વોટ્સએપ  5 :  Whatsapp

વોટ્સએપ  6 : Whatsapp

વોટ્સએપ  7 : Whatsapp

વોટ્સએપ  8 : Whatsapp

વોટ્સએપ  9 : Whatsapp

વોટ્સએપ 10 : Whatsapp

ફેસબુક પેજ – Facebook

ન્યૂઝ મેળવવા માટે જોઈન કરો આ ગ્રુપ : +91 98247 23317